Iraila 29, Ostirala
JAIALDIA
ESZENATOKI NAGUSIA

BELTZA WEEKEND 2017

20:00h

Beltza Weekend jaialdirako bonoak salgai daude

Musika beltza ardatz izanen duen Beltza Weekend jaialdiaren lehen edizioa heldu den irailaren 28, 29 eta 30ean eginen da Iruñean. Estreinako hitzordu honetan soul eta rhythm&blues estiloetan oinarritutako kontzertu sorta dotore eta askotarikoa izanen dugu gozagai eta musika beltzeko disko jartzailerik onenak ekarriko ditugu hirira. Zuzeneko emanaldiak Zentral aretoan izanen dira eta egitaraua nazioarteko taldeekin osatuko da. Bien bitartean, disko jartzaileen saioak Alde Zaharreko hainbat tabernatan eginen dira. Beltza Weekend irauteko asmoarekin jaio da. Kartelaren hiru lehenengo izenak hauek dira: Hannah Williams & The Affirmations, The Excitements eta MCF Chicken.

Hannah Williams Erresuma Batuko soul ahotsik nabermenetakoa da. Zuzeneko indartsua dauka benetako soul zurrunbiloa. Hannah Williams eta bere talde bikaina, The Affirmations, Bristol hiritik etorriko dira gurera, bi disko luze besapean dituztela.

Lehen aldiz Iruñean Bartzelonako The Excitements taldea izanen dugu, Europako R&B eta Soul zirkuituaren baitako talde sendo eta errespetatuenetako bat. Zuzeneko kixkalgarria daukate eta aparteko abeslari ipurterrea, alegia, Koko Jean Davis imitaezina. Ahots bikaina eta sekulako energia agertuko ditu eszenatokiaren gainean. Kontiente Zaharrean kristoren eskarmentua hartu duen banda batek babestuta ikusiko dugu.

MFC Chicken Munduko rock and roll, frat, garage eta R&B talde dibertigarrienetakoa da (ez gara esajeratzen ari). Kolesterol eta oilasko frijituaren zale amorratuak dira eta oilategi bitxia eta eroa osatzen dute. Osagarri gutxirekin sekulakoak muntatzen dituzte: Suzko-saxoa, gitarra jostalariak eta oinarri erritmiko bizia baliatzen dituzte publikoari gozamen hutsa oparitzeko.

BELTZA WEEKEND 2017
Ate irekiera:  20:00
Sarrerak: Hiru egunerako bono eskaintza 35€ + banaketa gastuak 
Salmenta: Web Zentral

Vídeos